Мисли на утре, рециклирај денес

"За сите оние кои не знаат што е рециклирање - тоа е старо за ново или накратко менување. Рециклирањето е волшебна фабрика: влегува стара пластика, а излегува нова Барбика", "Биди дете смело, собирај пластични шишиња на дело". Ова се дел од пораките на 2500 основци од 35 градови во државава кои учествувале на работилниците за значењето на повторната употреба на отпадот што се организираат во рамките на медиумската кампања што ја спроведува Меѓународната финансиска корпорација-ИФЦ заедно со Движењето на екологистите на Македонија, Космофон, Германос и Комунална хигиена.
Во рамките на проектот ќе биде организиран национален натпревар на тема Волшебниот свет на рециклирањето", кој ќе ги опфати сите основни училишта во Македонија. Во категоријата литературни творби натпреварите се на тема Мисли на утре-рециклирај денес", уметничките творби треба да се изработени со примена на рециклирањето на тема Волшебниот свет на рециклирањето", а темата на натпреварот во најдобри специјални стории снимени со камера или фотоапарат е Ние сме дел од решението, а не од проблемот". Кампањата ќе трае до четврти април, а за најдобрите ќе има награди кои ќе се доделат на 20 април по повод Денот на планетата Земја.

Како можам и јас да помогнам?

Секоја индивидуа со доволно волја, без оглед на возраста, може да даде свој придонес во рециклирањето. Модерното општество наложува секојдневно користење на разни продукти, многу од кои можат да бидат рециклирани. Таквите продукти треба да бидат издвојувани и оставани на соодветни места специјално наменети за нив. Тоа е единствениот начин да бидеме сигурни сме дале и наш личен придонес кон зачувувањето на животната средина. Наместо пластичното шише од сокот што го купивте денес да го фрлите на улица, зошто не го оставите на определеното место за рециклирање? Зарем има некој причина поради која не би го направиле тоа?

Освен на малите продукти, треба да се напомене и дека многу други електро-технички продукти можат да бидат рециклирани. Сите ние имаме стари телевизори, радио системи или пак компјутери, кои денес немаат никаква функција. Со рециклирањето на такви продукти, не само што ќе направите добро, туку ќе добиете и паричен надоместок.
Денес, исто така, постојат многу организации, владини или невладини, кои водат информативни кампањи за рециклирањето, а воедно се и причината зошто во последната декада количината на рециклирани материјали се зголемила двојно. Земањето учество во истите, како и фактот дека сме помогнале во зачувувањето на природата придонесуваат кон душевен мир и спокој — нешто кон што секој човек треба да се стреми.

Законот за рециклирање на отпад, што е на сила од 01.01.2011 година, нецелосно се почитува. Веќе постојат обиди за избегнување на обврската или манипулирање со овој Закон кај дел од компаниите-загадувачи, но и приватните компаниите кои се занимаваат со собирање и трговија со отпад и се обидуваат да обезбедат екстра профит од овој Закон.

Што е рециклирајње 

Рециклирањето е процес на преработка на продуктите што се наоѓаат во отпадот, при што тие служат како суровини за производство на нови продукти. На тој начин се забавува исцрпувањето на суровините присутни во природата. При производството на предмети добиени од секундарни суровини, се трошат помали количества енергија отколку што би се потрошиле при добивање на производите од примарни суровини, што го прави рециклирањето енергетски ефикасен процес. Речиси половина од отпадот што го создаваме може да се рециклира. 30% од лушпите од зеленчукот и од другиот органски отпад што го фрламе, може да се
компостира.